रुसले आज बिहान गरेको आक्रमणमा १२ युक्रेनी मारिए

काठमाडाैं । रुसले आज शुक्रबार बिहान युक्रेनका विभिन्न शहरमा गरेको क्षेप्यास्त्र तथा ड्रोन आक्रमणमा कम्तीमा १२ जना युक्रेनी मारिएका छन् ।

‘सुतिरहेका निर्दोष युक्रेनीहरूलाई क्षेप्यास्त्र प्रहार गरी मारेर रुसले शान्ति पहलमा प्रतिक्रिया दिएको छ,’ युक्रेनका परराष्ट्रमन्त्री दिमित्रो कुलेबाले ट्वीट गरी बताए ।

रुसले गत जाडो महिनामा युक्रेनका शहर र पूर्वाधारमा लगातार बम आक्रमण गरेको भए पनि यी आक्रमणहरू हालैका महिनामा भएका थिएनन् ।

राजधानी किएभमा क्षेप्यास्त्र आक्रमण नगरिएको ५० दिन भइसकेको थियो ।
युक्रेनका राष्ट्रपति भोलोदीमीर जेलेन्स्कीले पछिल्लो आक्रमणको निन्दा गरेका छन् र रुसी आतंकको जवाफ फर्काउने बताएका छन् ।

अहिले रुसी र युक्रेनी सैनिकहरूबीच बाखमुत शहरमा लडाइँ चलिरहेको छ ।