फेरि बढ्यो सुन-चाँदीको मूल्य, तोलाको कति पुग्यो ?

काठमाडौँ। नेपाली बजारमा आज मङ्गलबार सुन-चाँदीको मूल्य पुनः बढेर कारोबार भइरहेको छ ।

नेपाल सुनचाँदी व्यवसायी महासङ्घका अनुसार सोमबारको तुलनामा आज मङ्गलबार सुनको भाउ प्रतितोला ५ सय रुपैयाँ र चाँदी ५ रुपैयाँ बढेको हो ।

यसैगरी छापावाल सुनको भाउ प्रतितोला १ लाख ९ हजार ३ सय रुपैयाँमा कारोबार भएकोमा आज बढेर आज १ लाख ९ हजार ८ सय रुपैयाँ पुगेको छ । यसैगरी यसअघि प्रतितोला १ लाख ८ हजार ८ सय रुपैयाँमा कारोबार भएको तेजावी सुनको भाउ आज बढेर १ लाख ९ हजार ३ सय रुपैयाँ पुगेको छ ।

त्यस्तै, १ हजार ४ सय ३० रुपैयाँमा कारोबार भएको चाँदीको भाउ भने आज बढेर १ हजार ४ सय ३५ रुपैयाँ पुगेको महासङ्घले जनाएको छ ।