इँटा भट्टाको पर्खाल भत्किँदा एक भारतीय मजदुरको मृत्यु

काठमाडौं । सप्तरीको एक इँटा भट्टाको पर्खाल भत्किँदा एक भारतीय मजदुरको ज्यान गएको छ । रूपनी गाउपालिका-२ स्थित पिपराहीको जेएसआर इँटा उद्योगको मंगलवार पर्खाल भत्किँदा उनको मृत्यु भएको हो ।

इँटा निकाल्ने क्रममा अचानक पर्खाल भत्किँदा भारतीय अलिम अज्मिको मृत्यु भएको प्रहरीले जनाएको छ । प्रहरीका अनुसार दुई जना मजदुर गम्भीर घाइते भएका छन् ।

पर्खालले च्यापिएर गम्भीर घाइते भएका मजदुरको स्थानीय गजेन्द्र नारायण सिह अस्पतालमा उपचारको क्रममा मृत्यु भएको जिल्ला प्रहरी कार्यालय सप्तरीका प्रवक्ता नरेश कुमार सिंहले जानकारी दिएका छन् ।

घट्नामा मृतककी २८ वर्षीया पत्नी भुजिन विवी र सोही ठाँउ निवासी २५ वर्षीय जनमा लरुलहक घाइते भएका छन । दुबै जनाको अस्पतालमा उपचार भर्इरहेको छ । घटनाको विषयमा अनुसन्धान भईरहेको प्रवक्ता सिंहले बताए ।