भीम रावलको बिरोध गर्दा बिष्णु पौडेलमाथि ढु्ंगामुढा र बोतल प्रहार (भिडियोसहित)

साँफेबगर । एमालेका उपाध्यक्ष तथा पूर्वअर्थमन्त्री बिष्णुप्रसाद पौडेलबिरुद्ध अछाममा एमाले कार्यकर्ताहरुले ढुंगामुढा र बोतल प्रहार गरेका छन् ।

एमालेको मिसन ग्रासरुट अभियान अन्तर्गत सोमबार अछामको साँफेबगरमा भएको कार्यक्रममा पौडेलले डा. भीबहादुर रावलको बिरोध गरेपछि पार्टीकै कार्यकर्ताहरुले उनीमाथि ढ्ुंगा र बोतलले प्रहार गरेका थिए ।

पूर्वमन्त्री रावलको बिरोध गरेको भन्दै एमालेकै कार्यकर्ताले केपी शर्मा ओली र विष्णु पौडेलविरुद्ध नाराबाजी गर्दै ढुुंगा र बोतल प्रहार गरेको भिडियो समेत सार्वजनिक भएको छ ।

सोमबार उपाध्यक्ष पौडेल, प्रदेश इन्चार्ज लेखराज भट्ट, सहइन्चार्ज कर्ण थापा, प्रदेश अध्यक्ष दामोदर भण्डारी लगायत उपस्थित एमालेको कार्यक्रममा डा. रावलका बारेमा कसैले नबोल्ने सहमति बिपरीत पौडेलले मन्तब्य ब्यक्त गरेपछि नाराबाजी र ढ्ुंगामुढा हुँदा कार्यक्रम नै बिथोलिएको थियो ।

गएको मंसिर ४ को निर्वाचनमा डा. भीम रावललाई पार्टीले अछाममा टिकट नदिंदा सुदूरपश्चिम प्रदेशका १७ सिटमा जम्मा २ सिटमा सीमित हुन पुगेको छ । जबकि यसअघि २०७४ मा रावलले १७ मा १५ सिटमा एमाले र माओवादी सहितको वाम गठबन्धनलाई  जिताएका थिए ।

बिष्णु पौडेलमाथि भएको ढुंगामुढा, बोताल प्रहार र नाराबाजीको भिडियो