कोरोना संक्रमितलाई घृणा होइन, सहयोग गरौंः सांसद मानन्धर

काठमाडौं । कोरोना भाइरस संक्रमण जो कसैलाई हुनसक्दछन् । यो भाइरस जसलाई पनि सर्नसक्छ । तर नेपालमा कोरोना पोजेटिभ देखिएपछि समाजले अपराधपूर्ण धारणा बनाउन थालेको छ । सिभिल अस्पतालका चिकित्सक र स्वास्थ्यकर्मी बस्ने घरमा टोलबासीको नाममा जुन खालको हर्कत भयो, त्यो एक अपराधिक कार्य हो । स्वास्थ्यकर्मीप्रति भएको ब्यवहारको चौतर्फी निन्दा भएको छ ।  

नकेपाका युवानेता तथा  बागमती प्रदेशसभाका सांसद वसन्त मानन्धरले कोरोना महामारी भएकाले यसबाट कोही पनि अछूत रहन नसक्ने भएकाले संक्रमितलाई घृणा होइन, सहयोगी बन्न आग्रह गरेका छन् । उनले सामाजिक संजालमा लेखेका छन्–‘कोरोना पोजिटिभ देखिनु असामान्य अवस्था होइन । पोजिटिभ देखिएकाको बारेमा भ्रमपूर्ण समाचार र धारणा बनाउनु सामाजिक अपराध हो । संक्रमण जो कोहीलाई पनि हुन सक्दछ । महामारीको रुप लिएको अवस्थामा कोही अछुत रहन सक्दैन । तसर्थ संक्रमितलाई घृणा होइन, सहयोग गरौं । सुरक्षित रहन सरकारको निर्देशनलाई पूर्ण परिपालन गरौं, सचेत बनौ ।’