जसपा पनि राष्ट्रिय सहमतिमै राष्ट्रपति बनाउने पक्षमा

काठमाडौं । जनता समाजवादी पार्टी नेपाल पनि राष्ट्रिय सहमतिमै राष्ट्रपति बनाउने पक्षमा रहेको छ । बालकुमारीस्थित पार्टी कार्यालयमा आइतबारदेखि सुरु भएको सो पार्टीको कार्यकारिणी समितिको बैठकबाट उक्त कुरा खुलेको हो ।

जसपा पनि राष्ट्रिय सहमतिमा नै राष्ट्रपति बनोस् भने पक्षमा रहेको बैठकमा सहभागी एक नेता बताए । उनले फागुन २५ गते हुने राष्ट्रपतिको चुनावको विषयमा पनि बैठकमा छलफल भएको जानकारी दिए ।

यस्तै, पार्टीको विधान अधिवेशन चैतको २७, २८ र २९ गते गर्ने निर्णय गरेको छ । पार्टीका अध्यक्ष उपेन्द्र यादवको नेतृत्वका गठन भएको विधान संशोधन मस्यौदा समितिले आफ्नो काम गरिरहेको बताइएको छ ।