राजनीतिक दलहरूलाई राजसंस्थासँग सहकार्य गर्न पूर्वराजाको आह्वान

काठमाडौं । पूर्वराजा ज्ञानेन्द्र शाहले देश जोगाउन राजनीतिक दलहरूलाई राजसंस्थासँग सहकार्य गर्न आह्वान गरेका छन् । प्रजातन्त्र दिवसको पूर्व सन्ध्यामा शुभकामना सन्देश जारी गर्दै उनले यस्तो आह्वान गरेका हुन् ।

नेपालको निरन्तर अधोगति प्रति अब आफू मौन रहन नसक्ने बताउँदै उनले पछिल्ला वर्षहरूमा देशको दीर्घकालीन शान्ति ,स्थिरता र अन्तर्राष्ट्रिय सम्मान र सार्वभौमिकतामा चिरा पर्न थालेको प्रति चिन्ता व्यक्त गरेका छन् ।

‘राज्यसत्ताको बागडोर ज–जसका हातमा दोहोरिँदै तेहरिँदै आए पनि वा फेरिँदै बदलिँदै गए पनि हाम्रो विद्यमान राज्य व्यवस्थाले जनताको सुख, शान्ति र राष्ट्रले श्री समृद्धिमा कुनै गहन योगदान दिन सकेको देखिन्न,’ शुभकामना सन्देशमा उल्लेख छ ।