इन्टरनेटका तार काट्ने कार्य तत्काल नगर्न विद्युत प्राधिकरणलाई उच्च अदालतको दियो आदेश

काठमाडौं । उच्च अदालत पाटनले इन्टरनेटको तार नकाट्न अल्पकालिन अन्तरिम आदेश जारी गरेको छ । उच्च अदालत पाटनका न्यायाधीश दीपेन्द्रबहादुर बमको एकल इजलासले आज सो विद्युत प्राधिकरण तथा ऊर्जा मन्त्रालयको नाममा आदेश जारी गरेको हो ।

इन्टरनेट सेवा प्रदायक संघ नेपाल (आइस्पान)ले ऊर्जा जलस्रोत तथा सिँचाइ मन्त्रालयलाई विपक्षी बनाइ रिट दायर गरेका थिए । भाडा नतिरेको, सम्झौता नवीकरण नगरेको भन्दै प्राधिकरणले तार काटिरहेको छ ।

आइस्पानले प्राधिकरणले पटकपटक तार काट्नेदेखि इन्टरनेट उपकरण जफत गर्नेलगायतका काम गरिरहेको भन्दै निषेधाज्ञायुत आदेश मागेको थियो ।

आगामी फागुन १६ गतेका लागि उक्त मुद्दाको पेशी तोकिएको छ ।