काठमाडौं । सोमबार काठमाडौं उपत्यकामा ५१ जना कोरोना संक्रमित भेटिएका छन् । पछिल्ला दिनहरुमा उपत्यकामा कोरोना संक्रमित ह्वात्तै बढेका छन् ।
यसरी भेटिएकामध्ये राष्ट्रिय जनस्वास्थ्य प्रयोगशालामा भक्तपुरका एक जना, काठमाडौंका आठ, शुक्रराज ट्रपिकल तथा सरुवा रोग अस्पतालमा काठमाडौंका १७ जना, पाटन अस्पतालमा काठमाडौंका पाँच जना, ललितपुरका दुई जना र भक्तपुरका चार जना, वीर अस्पतालमा काठमाडौंका दुई जना संक्रमित भेटिएका हुन् ।
यस्तै त्रिवि शिक्षण अस्पतालमा काठमाडौंका एक जना, नेपाली प्रहरी अस्पतालमा काठमाडौंका दुई जना, स्टार अस्पतालमा काठमाडौंका पाँच जना र ललितपुरका एकजना र विरेन्द्र अस्पताल छाउनीमा काठमाडौंका तीन जना संक्रमित भेटिएका हुन् ।
सोमबार देशभर ४ सय १८ जना काेराेना संक्रमित भेटिएका छन् । आज थपिएकासहित नेपालमा संक्रमितको संख्या २० हजार ७ सय ५० जना पुगेको छ।
नेपालमा पछिल्लाे २४ घण्टामा ३ सय ५८ जना उपचारपछि डिस्चार्ज भएका छन्। यसरी डिस्चार्ज हुनेकाे कुल संख्या १४ हजार ९ सय ६१ पुगेकाे छ । सक्रिए संक्रमितको संख्या ५ हजार ६ सय ७२ रहेको छ ।
यस्तै आजसम्म कुल १० हजार ९ सय ३४ जना क्वारेन्टिनमा रहेका छन् । यस्तै सोमबारसम्म नेपालमा अहिलेसम्म संक्रमणबाट ५७ जनाको मृत्यु भएको छ।
