संसदको कार्यकाल समाप्त गर्नुपर्ने माग गर्दै सर्वोच्चमा रिट

काठमाडौं । प्रतिनिधिसभा र प्रदेशसभा सदस्यको कार्यकाल सकिनुपर्ने मागसहित सर्वोच्च अदालतमा रिट दर्ता भएको छ । यसअघि दरपीठ गरिएको रिट आज दर्ता भएको हो ।

अधिवक्ता मनिराम उपाध्यायले संघीय सरकार, प्रतिनिधिसभा, सभामुख र सात वटै प्रदेश सरकारलाई विपक्षी बनाएर सर्वाेच्च अदालतमा रिट दायर गरेका हुन् ।

निर्वाचनको मिति घोषणा गरिसकेपछि संसदको कार्यकाल सकिनु्पर्ने जिकिर गर्दै उनले रिट दर्ता गरेका हुन् । यसअघि पनि उपाध्यायले दर्ता गरेको प्रतिनिधिसभा र प्रदेशसभाको कार्यकाल सकिनुपर्ने रिट निवेदन कामु मुख्य रजिस्ट्रार नारायण पन्थीले दर्ता गर्न अस्वीकार गर्दै दरपीठ गरिदिएका थिए ।

न्यायाधीश सुष्मलता माथेमाको इजलासले दरपीठ बदर गर्दै निवेदन दर्ता गर्न आदेश दिएपछि उपाध्यायले पेश गरेको निवेदन दर्ता भएको छ ।