काठमाडौं । शुक्रबार काठमाडौं उपत्यकामा १० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले यसको जानकारी दिएका हुन् ।
राष्ट्रिय जनस्वास्थ्य प्रयोगशाला टेकुमा काठमाडौंका पाँच जना, शुक्रराज ट्रपिकल तथा तथा सरुवा रोग अस्पतालमा काठमाडौंका पाँच जना गरी कुल १० नयाँ संक्रमित भेटिएको छ ।
यस्तैगरी शुक्रबार देशभर १ सय ३३ जना काेराेना संक्रमित भेटिएका छन् । योसँगै नेपालमा संक्रमितको संख्या १८ हजार २ सय ९४ जना पुगेको छ।
नेपालमा पछिल्लाे २४ घण्टामा १ सय ७ जना उपचारपछि डिस्चार्ज भएका छन्। यसरी डिस्चार्ज हुनेकाे कुल संख्या १२ हजार ९ सय ४७ पुगेकाे छ । यस्तै नेपालमा हाल १९ हजार ४ सय ४४ जना क्वारेन्टिनमा छन् ।
शुक्रबार वीरगञ्जका एक ८५ वर्षीय वृद्धाको मृत्यु भएको र बिहीबार उनमा कोरोना संक्रमण पुष्टि भएको छ । योसँगै नेपालमा कोरोनाको संक्रमणबाट मृत्यु हुनेको संख्या ४४ पुगेको छ।
