काठमाडौं । स्थानीय तहको निर्वाचनको भोलिपल्टै नेपाल आयल निगमले पेट्रोलियम पदार्थमा मूल्यबृद्धि गरेको छ । नेपाल आयल निगम सञ्चालक समितिको बैठकले शनिबार रातिदेखि लागू हुनेगरी डिजेल र पेट्रोलको मूल्य प्रतिलिटर १० रुपैयाँ बढाउने निर्णय गरेको छ ।
निगमले प्रतिलिटर यति धेरै मूल्यबृद्धि गरेको थिएन । तर चुनाव लगत्तै सरकारले चर्को मूल्यबृद्धि गरेपछि अब उपभोग्य सामानको समेत चर्को मूल्यबृद्धि हुने संभावना छ । मूल्यबृद्धिपछि अब पेट्रोलको मूल्य प्रतिलिटर १७० र डिजेलको मूल्य प्रतिलिटर १५४ रुपैयाँ पुगेको छ । खाना पकाउने एलपी ग्यास र हवाई इन्धनको मूल्य भने बढाइएको छैन ।
निगमका अनुसार मूल्यबृद्धिपछि पनि नेपाल आयल निगमलाई पेट्रोलमा प्रतिलिटर १४.३६ रुपैयाँ र डिजेलमा प्रतिलिटर ३१.४४ रुपैयाँ घाटा छ ।
