काठमाडौं । क्रान्तिकारी पत्रकार महासंघले पत्रकार रवि पाण्डेयलाई हिरासतमा लिएकोप्रति आपत्ति जनाएको छ । क्रान्तिकारी पत्रकार महासंघका अध्यक्ष नारायण पंगेनीले शनिबार विज्ञप्ती जारी गर्दै महासंघका महासचिव पाण्डेयलाई नवलपरासी (बर्दघाट सुस्तापश्चिम) इलाका प्रहरी कार्यालय सुनवलले हिरासतमा लिएकोप्रति आपत्ति जनाइएको हो ।
शनिवार विहान नेकपा (क्रान्तिकारी माओवादी) ले सुनवल क्षेत्रमा गरेको निर्वाचन बहिष्कार कार्यक्रमको समाचार संकलन गर्न गएका पाण्डेलाई पक्राउ गरिइएको जनाइएको छ ।
समाचार संकलन गरेकै आधारमा पक्राउ गरिनु प्रेस स्वतन्त्रतामाथिको ठाडो हस्तक्षेप भएको भन्दै महासंघले घोर विरोध र भत्र्सना गरेको छ । महासचिव पाण्डेयलाई विनाशर्त अबिलम्ब रिहाइ गर्न क्रान्तिकारी पत्रकार महासंघले माग गरेको छ ।
