काठमाडौं । नेपाल नागरिक उड्डयन प्राधिकरणले बक्यौता नतिरेका सात एयरलाइन्सविरुद्ध कारबाहीको तयारी गरेको छ ।
प्राधिकरणले आइतबार एक सूचना निकाल्दै अहिले सञ्चालनमा नरहेकाे र बक्यौता पनि नतिरेका सात कम्पनीलाई सात दिनको समयावधि दिएर रकम तिर्न ताकेता गरेको छ ।
प्राधिकरणले ती कम्पनीलाई तोकिएको अवधिमा बक्यौता नतिरेमा कालोसूचीमा समेत राख्ने भएको छ । प्राधिकरणले यी कम्पनीहरुविरुद्ध यसअघि समेत सूचना निकालेर ताकेता गरिसकेको छ ।
प्राधिकरणको बक्यौता नतिरेमा सरकारी बाँकी सरह असुल उपर गर्ने कानुन अनुसार सञ्चालकहरुको जायजेथाबाट असुल उपर हुन सक्ने प्रावधान रहेको छ ।
यी हुन् बक्यौता नतिर्ने कम्पनीहरू
- नेकोन एयर : ४ करोड ७२ लाख २५ हजार ३४३ रुपैयाँ
- शिवानी एयर : ५५ लाख ५१ हजार ५३ रुपैयाँ
- गोरखा एयर : २० लाख ३५ हजार २९ रुपैयाँ
- माउण्टेन एयर : ६ लाख १० हजार ८३४ रुपैयाँ
- कस्मिक एयर : ३ करोड ४७ लाख ५८ हजार ७० रुपैयाँ
- स्काइलाइन एयरवेज : ७ लाख ८० हजार ४०० रुपैयाँ
- एयर काष्ठमण्डप : ७ लाख ३८ हजार ४४७ रुपैयाँ
