जनकपुरधाम । प्रदेशको नाम र राजधानी पाएसँगै तत्कालीन प्रदेश दुई मा आज सार्वजनिक बिदा दिइएको छ । सोमबार बसेको प्रदेशसभा बैठकबाट नाम मधेश र स्थायी राजधानी जनकपुरधाम घोषणा भएसँगै उक्त प्रदेशमा मंगलबार बिदा दिइएको हो ।
‘मधेश सरकारले नाम र स्थायी राजधानी पाएको खुसियालीमा मंगलबार प्रदेशमा सार्वजनिक बिदा दिइएको छ,] मधेश सरकारका प्रवक्ता तथा अर्थमन्त्री शैलेन्द्र प्रसाद साहले सामाजिक सञ्जाल फेसबुकमा लेखेका छन्।
सोमबार भएको नाम र राजधानीको विषयको निर्वाचनमा दुई तिहाई भन्दा बढी मतले पारित भएको हो ।
प्रदेशसभामा सभामुखसहित १०४ जना सांसद भए पनि मतदान प्रक्रियामा ९९ जना सांसदले मात्रै भाग लिएका थिए । प्रदेशको नामा ‘मधेश’ प्रदेशको विषयमा भएको मतदानमा खसेका ९९ मत मध्ये ८० मत पक्षमा परेको थियो ।
त्यसैगरि, प्रदेशको स्थायी राजधानी जनकपुरधामको विषयमा भएको मतदानमा खसेको ९९ मत मध्ये ७८ मत पक्षमा परेको थियो ।
