३ हजार ८ सय मत खस्योः १० बजेबाट मतगणना सुरु, आजै २ बजेभित्र नतिजा आउने

काठमाडौं । नेपाली कांग्रेसको १४ औं महाधिवेसन अन्तर्गत सभापति चयनका लागि भएको दोस्रो चरणको निर्वाचनमा मतदान  मतदान भइरहेको छ । हालसम्म ३ हजार ८ सय मत खसेको छ । मतदान साढे ८ बजेसम्म सकिने र राति  राति १० बजेबाट मतगणना सुरु हुने निर्वाचन समितिले जनाएको छ । निर्वाचन समितिका अनुसार ३ घण्टाभित्र मतगणना सकिनेछ ।

मंगलबार दिउँसो साढे ३ बजेदेखि सुरू भएको मतदानको समय साँझ ७ बजेसम्म तोकिएको थियो । साँझ ७ बजे पनि मतदान नसकिएकाले समय बढाइएको थियो । 

सभापति बाहेकका उपसभापति, महामन्त्रीसहितका पदको मतगणना भने बिहीबारबाट शुरु हुने पनि निर्वाचन समितिले जनाएको छ । 

नेपाली कांग्रेसमा सोमबार भएको पहिलो चरणका मतदानमा सभापतिका उम्मेदवार कसैले पनि ५० प्रतिशत भन्दा बढी मत ल्याउन नसकेपछि मंगलबार दोस्रो चरणको मतदान भएको हो ।

पहिलो चरणमा पहिलो र दोस्रो धेरै मत ल्याउने शेरबहादुर देउवा र डा.शेखर कोइरालाबीच प्रतिस्पर्धा भइरहेको हो ।
तेस्रो र चौथो स्थानमा रहेका प्रकाशमान सिंह र विमलेन्द्र निधिले देउवालाई साथ दिएका छन् । जसका कारण देउवाको जित निश्चित देखिएको छ ।