सभापति पदमा देउवाकाे माेह, प्रकाशमानलाई फकाउन ठमेल पुगे

काठमाडौं । सभापति पदका लागि दोस्रो चरणको निर्वाचन हुने भएपछि नेपाली कांग्रेस सभापतिका उम्मेदवार तथा प्रधानमन्त्री शेरबहादुर देउवाकाे दाैडधुप चलेकाे छ । 

यसअघि आफू निकट बालकृष्ण खाँण र वीरबहादुर बलायरलाई नेता प्रकाशमान सिंहसँग कुरा गराएका देउवा अहिले सिंहलाई भेट्न आफै ठमेलको चाक्सीबारी पुगेका छन् । यसअघि प्रकाशमानसँग शेखर कोइरालाले भेटेका थिए । 

सभापति पदका लागि दोस्रो चरणको निर्वाचन हुने भएपछि छलफलका लागि देउवा सिंह निवास चाक्सीबारी पुगेका हुन् ।

दोस्रो चरणको निर्वाचनमा देउवा र शेखर कोइरालाबीच सभापति पदमा प्रतिस्पर्धा हुने छ । त्यसैले तेस्रो स्थानमा रहेका प्रकाशमानलाई आफ्नो पक्षतिर तान्न देउवा र कोइराला प्रयासरत छन् ।