एमालेले बनायो ४५ सदस्यीय स्थायी कमिटी, घनश्याम भूसालदेखि प्रभु साहसम्म समेटिए

काठमाडौैं । नेकपा (एमाले)को केन्द्रीय कमिटी बैठकमा ८० सदस्यीय पोलिट्ब्यूरो सदस्यको प्रस्तावसँगै ४५ सदस्यीय स्थायी कमिटीको लागि पनि नाम प्रस्तुत भएको छ । एमाले अध्यक्ष केपी शर्मा ओलीले स्थायी समिति सदस्यको नाम गरेका हुन् । स्थायी समितिका लागि १९ सदस्यीय पदाधिकारी बाहेक २६ जनाको नाम ओलीले प्रस्ताव गरेका छन् ।

स्थायी समितिमा अध्यक्ष ओलीले दस बूँदे पक्षधर उपाध्यक्षमा पराजीत नेता घनश्याम भूसाल र सचिवमा जित्न नसकेका भीमप्रसाद आचार्यलाई पनि स्थायी समितिमा समेटिएको छ । दस बुँदेका पक्षपाती रघुजी पन्त पनि समेटिएका छन् ।

पूर्वमाओवादीबाट प्रभु साह, मणिचन्द्र थापा परेका छन् । स्थायी समितिमा ओलीले पूर्वमहान्यायाधीवक्ता अग्नि खरेल र हिक्मत कार्कीलाई पनि राखेका छन् । स्थायी समितिमा पुराना र ओलीलाई दुःखमा साथ दिएका झापाका देवराज घिमिरे, मोरङका गुरु बराल पनि परेका छन् । पदाधिकारीमा समेट्न नसकेका लालबाबु पण्ढितलाई स्थायी समितिमा समेटिएको छ ।

स्थायी समितिमा मनोनीत हुनेहरुमा खगराज अधिकारी, किरण गुरुङ, काशिनाथ अधिकारी, भानुभक्त ढकाल, शेरधन राई, कृष्णगोपाल श्रेष्ठ, राजन भट्टराई, सीता पौडेल, विन्दा पाण्डे, गोरख बोगटी, कर्णबहादुर थापा, राजेन्द्र गौतम, थममाया थापा, शेरबहादुर तामाङ, शिवमाया तुम्बाहाङ्फे र हिक्मत कार्की छन् ।