चिनियाँ कम्युनिष्ट पार्टीद्वारा एमाले महाधिवेशन बहिस्कार

काठमाडौं । आजदेखि चितवनको नारायणी नदी किनारमा सुरु हुन गइरहेको नेकपा एमालेको महाधिवेशनलाई चिनियाँ कम्युनिष्ट पार्टीले भने बहिस्कार गरेको बुझिएको छ 

महाधिवेशनका लागि उक्त पार्टीबाट कुनै पनि प्रतिनिधिहरु सहभागी नहुने पक्का भएसंगै बहिस्कार गरेको बुझिएको हो ।

महाधिवेशनबारे जानकारी दिन बिहीबार दिउँसो एमालेले नदी किनारमा पत्रकार सम्मेलन समेत आयोजना गरेको थियो । उक्त सम्मेलनमा बोल्दै एमाले प्रचार प्रसार विभाग प्रमुख योग भट्टराईलले चिनियाँ कम्युनिष्ट पार्टीबाट कोही नआउने जानकारी दिएका थिए ।

भट्टराईका अनुसार उक्त पार्टीले महाधिवेशनमा प्रतिनिधिहरुलाई नपठाए पनि भिडियो सन्देश भने पठाएको छ ।

यद्यपि महाधिवेशनका लागि भारत, बंगलादेश, श्रीलंका, कम्बोडियालगायत विभिन्न देशबाट भने राजनीतिक दलका नेताहरू सहभागीका लागि नेपाल आइसकेको भट्टराईको भनाइ छ। 

महाधिबेशनको उद्घाटन आज दिउँसो १२ बजे हुँदैछ।