प्रधानन्यायाधीशविरूद्धको आन्दोलनमा नयाँ ट्वीस्ट, कानून व्यवसायीद्वारा गृहमन्त्रीको पनि राजीनामा माग

काठमाडौं । प्रधानन्यायाधीश चोलेन्द्र शम्सेर जबराविरूद्धको आन्दोलनमा नयाँ ट्वीस्ट आएकाे छ  ।

प्रधानन्यायाधीश जबराको राजीनामा माग्दै आन्दोलनरत कानून व्यवसायीहरुले गृहमन्त्री बालकृष्ण खाँणको समेत राजीनामा मागेका छन् । 

आइतबारको विरोध प्रदर्शनमा नेपाल बार एशोसिएसनका उपाध्यक्ष ईश्वरी भट्टराईले गृहमन्त्री राजीनामा देऊ भन्दै नारा लगाएका छन् ।

सर्वोच्च परिसरमा दंगा प्रहरी परिचालन गरिएको र शान्तिपूर्ण आन्दोलनमा बल प्रयोग गरेको विरोधमा कानून व्यवसायीहरुले गृहमन्त्रीको राजीनामा मागेका हुन् ।

२ मंसिरको प्रदर्शनमा प्रहरीले बल प्रयोग गर्दा नेपाल बार एशोसिएसनका अध्यक्ष चण्डेश्वर श्रेष्ठसहित १२ जना घाइते भएका थिए ।