काठमाडौं । पछिल्लो २४ घण्टामा थप २ हजार ०७५ जनामा कोरोना भाइरस संक्रमण पुष्टि हुँदा २ हजार ३८२ जना संक्रमणमुक्त भएका छन् भने ३० जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार ७ हजार ७०३ जनाको पीसीआर परीक्षणमा १ हजार ४२४ र ५ हजार ३७२ को एन्टिजेन परीक्षणमा ६५१ जना गरी २ हजार ०७५ जनामा संक्रमण पुष्टि भएको हो ।
हालसम्म नेपालमा कोराना संक्रमितको संख्या ७ लाख ४५ हजार ७३१ जना पुगेको छ ।
जसमध्ये ३६ हजार ०१५ जना होम आइसोलेसनमा र ३ हजार ३०६ जना संस्थागत आइसोलेसनमा रहेका छन् । त्यस्तै कोरोना संक्रमणका कारण हालसम्म १० हजार ४८५ जनाको मृत्यु भएको छ ।
यसअघि हिजो सोमबार ३,०४२ जना संक्रमित थपिँदा २६ जनाको मृत्यु भएको थियो भने २,२२४ जना डिस्चार्ज भएका थिए।
