प्रधानमन्त्रीलाई ओलीको पश्न- एमसीसी बिर्सिनु भयाे, के गर्नुहुन्छ एमसीसी ?

काठमाडाैं । नेपाल कम्युनिष्ट पार्टी (नेकपा) एमालेका अध्यक्ष्य केपी शर्मा ओलीले हालै सरकारले सार्वजनिक गरेको साझा न्यूनतम नीति तथा कार्यक्रमबारे खरो टिप्पणी गरेका छन् ।

मंगलबार प्रतिनिधिसभा बैठकलाई सम्बोधन गर्दै ओलीले सरकारले घोषणा गरेको संयूक्त सरकारको साझा न्युनतम कार्यक्रममा एमसीसी उल्लेख नगरिको भन्दै असन्तुष्टि प्रकट गरेका छन् । 

 ओलीले  एमसीसीको विषयमा जनताले जान्न चाहेको भन्दै प्रधानमन्त्री शेरबहादुर देउवालाई एमसीसी के गर्नुहुन्छ भन्दै प्रश्न गरेका थिए ।

‘अहिलेको सरकार गठबन्धन हुँदा एमसीसी गर्नु भएको थियो जस्तो लाग्छ। संयूक्त सरकारको साझा न्युनतम कार्यक्रममा एमसीसी बिर्सिनु भयो कि क्या हो ?’ओलीले प्रश्न गरे,’ मैले त यता कतै एमसीसी देखिन। तपाई त बलियो प्रधानमन्त्री हुनुहुन्छ। सरकारमा त छिरीयो सबै कुरामा जस्केला । त्यो जत्थाले के भन्छ एमसीसी पास गर्ने कि चुप्प लाग्ने । सम्माननीय प्रधानमन्त्री ज्यू तपाई एमसीसी के गर्नु हुन्छ ? जनता जान्न चाहान्छन्।‘