गणतन्त्रमा पनि सुध्रिएनन् पारस शाह, हेलमेट लगाउन आग्रह गर्दा गरे प्रहरीमाथि नै दुर्व्यवहार

काठमाडौं । मोटरसाइकलमा सवार पूर्व युवराज पारस शाहलाई हेल्मेट लगाउन आग्रह गर्दा उनले उल्टै प्रहरीमाथि नै दुब्र्यवहार गरेका छन् ।

शुक्रबार साँझ  महाराजगञ्जमा विनाहेलमेट मोटरसाइकल हाँकेका शाहलाई प्रहरीले रोकेर हेलमेट लगाउन आग्रह गरेको थियो । तर उनले गल्ती स्वीकार गर्नु त कता हो कता उल्टै प्रहरीलाई दुव्र्यवहार गरेका थिए । प्रहरीले हेलमेट बिना उनलाई जान नदिने अडान लिएपछि शाहका सहयोगीले हेलमेट ल्याएका थिए । हेल्मेट ल्याएपछि प्रहरीले उनलाई जान दिएको थियो ।

राजाको शासन हुँदा पारस शाहले अनेक उदण्डता प्रदर्शन गरेका थिए । गणतन्त्र आएपछि पनि उनले अनेक तमासा देखाउँदैआएका छन् । स्वदेशमा मात्र नभएर विदेशमा समेत शाहले असामान्य हर्कत देखाइसकेका छन् । राजाको शासनकालमा उनले गायक प्रवीण गुरुङलाई गाडीले ठेक्काएपछि उनको निधन भएको थियो । ठमेलमा पनि उनले मदिरा सेवन गरी धेरै पटक प्रहरीलाई दुःख दिएका थिए ।