पार्टीको विवादबारे चाँडै छिनोफानो गर्न एमाले अध्यक्ष ओलीकाे निर्देशन

काठमाडाैं । नेकपा (एमाले) का अध्यक्ष केपी शर्मा ओलीले छिट्टै पार्टीको विवादको छिनोफानो लगाउन विघटित कार्यदलका आफू पक्षीय नेतालाई निर्देशन दिएका छन् ।

ओलीले यस्तो विवादमा धेरै समय अलमलिन नहुनेसमेत बताउँदै पार्टी एकताका लागि प्रयास गरिरहेका नेताहरूलाई छिट्टै विवादको टुंगो लगाउन निर्देशन दिएका हुन् ।

अध्यक्ष ओलीकाे भनाइ उद्रित गर्दै एमाले पार्टी कार्यालयका सचिव शेरबहादुर तामाङले भने, ‘पार्टी सधैँ एउटै कुरालाई लिएर अलमलिन सक्दैन । पार्टीले आफ्ना गतिविधि गर्नुपर्ने हुन्छ ।’

पार्टी एकता लागि गठित कार्यदलले असार २७ गते १० बुँदे सहमति गरेको थियो । वरिष्ठ नेता माधवकुमार नेपालले कार्यदलको प्रतिवेदनलाई स्वीकारेका छैनन् ।