प्रधानमन्त्री देउवालाई जनमोर्चाकाे चेतावनी: यस्तै मनपरी चलिरहे जनमाेर्चा गठबन्धनमा रहँदैन

काठमाडाैँ । प्रधानमन्त्री शेरबहादुर देउवाले मनपरी गर्न थालेको भन्दै राष्ट्रिय जनमोर्चाले सत्तारुढ गठबन्धनबाट अलग हुने चेतावनी दिएको छ ।

बुधबार बिहान प्रधानमन्त्री निवास बालुवाटारमा बसेको सत्ता गठबन्धनको बैठकमा जनमोर्चा अध्यक्ष चित्रबहादुर केसीले मनपरी नरोकिए गठबन्धनमा नरहने चेतावनी दिएका हुन् ।

खासगरी स्वास्थ्य राज्यमन्त्रीमा विवादास्पद व्यक्तिलाई नियुक्त गरेकोमा केसीको असन्तुष्टि  व्यक्त गरेका छन् ।

गठबन्धनमा छलफल नगरी विवादास्पद व्यक्तिलाई किन राज्यमन्त्री नियुक्त गरेकाे भन्दै केसीले यस्तै हो भने जनमोर्चा गठबन्धनमा नरहने बताएका हुन् ।

उनले श्रेष्ठलाई राज्यमन्त्री बनाउने निर्णयले सरकारको छवि बिग्रेको बताएका छन् ।

जवाफमा प्रधानमन्त्री देउवाले महामारीका बेला स्वास्थ्य मन्त्रालय खाली राख्न उचित नहुने भएकाले हतार हतार निर्णय लिएकाे बताउँदै आगामी दिनमा छलफल भन्दा बाहिर नजाने प्रतिवद्धता जनाए ।