देउवाले बोलाए गठबन्धनको बैठक, मन्त्रीको भागबण्डा टुंग्याइदै

काठमाडौं। प्रधानमन्त्री शेरबहादुर देउवाले सत्तापक्षीय गठबन्धनको बैठक बोलाएका छन् । 

मन्त्रिपरिषद् विस्तारको विषयबारे छलफल गर्न प्रधानमन्त्री देउवाले गठबन्धनको बैठक बोलाएका हुन्। 

बैठक बुधबार (आज) बिहान ९ बजे प्रधानमन्त्री निवास बालुवाटारमा बस्ने माओवादी केन्द्रका प्रवक्ता नारायणकाजी श्रेष्ठले बताए।

प्रवक्ता श्रेष्ठ अनुसार बैठकमा मन्त्रिपरिषद्मा सहभागिताको भागबण्डा टुंग्याउने र सरकार सञ्चालनको विषयमा छलफल गरिने छ। गत असार २९ गते प्रधानमन्त्री नियुक्त भएका कांग्रेस सभापति देउवाले सोही दिन कांग्रेस र माओवादी केन्द्रका तर्फबाट चार जना सदस्यलाई मन्त्री नियुक्त गरेका थिए।

त्यसपछि गत आइतबर प्रधानमन्त्री देउवाले कांग्रेसकै सांसद उमेश श्रेष्ठलाई स्वास्थ्य राज्यमन्त्रीमा नियुक्त गरेका थिए। जसको चर्को आलोचना हुँदै आएको छ।