सांसद आशाकुमारी भन्छिन्- अनलाइन कक्षाले विद्यार्थीमा मानसिक समस्या देखियाे, बन्द गराैं

काठमाडौं । शिक्षण संस्थाहरुले सञ्चालन गरेको अनलाइन कक्षाले विद्यार्थी र अभिभावकमा मानसिक समस्या देखिन थालेको भन्दै बन्द गर्न माग गरिएको छ ।

मंगलबार बसेको प्रतिनिधि सभाको बैठकमा सांसद आशाकुमारी विकले अनलाइन कक्षाले बालबालिका र किशोरकिशोरीहरुमा डराउने, झस्किने, रिसाउने, जिद्धीपनाजस्ता व्यवहार देखिन थालेको जानकारी गराउदै बन्द गर्नु पर्ने माग गरेकी हुन् । 

आफ्ना छोराछोरीहरुमा यस्ता फरक व्यवहारले बुवाआमाहरु पनि चिन्तित् हुन लागेको भन्दै उनले अहिलेकै अवस्था रहिरहन दिने हो भने मानसिक अस्पतालको अभाव हुने संकेत देखिएको बताइन् । 

उनले अहिले विद्यार्थी र अभिभावमा देखिएको मानसिक समस्यामा सामान्यरुपमा लिन नहुने समेत बताइन् ।