अछाम । मंगलसेन नगरपालिकास्थित मंगलसेन बजारबाट १ लाख बढी रकमसहित १२ जना जुवाडे पक्राउ परेका छन् । शनिबार राति मंगलसेन बजारबाट उनीहरुलाई पक्राउ गरेको जिल्ला प्रहरी कार्यालय अछामले जनाएको छ ।
पक्राउ पर्नेहरूमा एमाले अखिलका केन्द्रीय सदस्य रहेका सिद्धप्रसाद ढुंगाना पनि रहेका छन् । जुवा खेलिरहेको अवस्थामा पक्राउ परेका उनीहरुको साथबाट १ लाख ४ हजार बरामद गरेको जिल्ला प्रहरी कार्यालय अछामका प्रहरी नायव उपरीक्षक तुलसीराम अर्यालले बताए ।
जुवाखालबाट पक्राउ पर्नेहरुमा शंकर भाट, धर्मराज भण्डारी, दिलीप बोगटी, खकेन्द्र केसी, पुष्प बिष्ट, सुनिल बिष्ट, भोजराज ढुंगाना, डम्बर बिष्ट, भक्तराज ढुंगाना, नवराज भण्डारी छन् ।
जुवाखालबाट पक्राउ परेकाहरूलाई अदालतबाट म्याद थप गरी अनुसन्धान भइरहेको उनले बताए ।
