काठमाडौं । क्रियाशील सदस्यता वितरणमै अल्झिएर महाधिवेशनसम्बन्धी कार्यतालिका सर्दै गएपछि नेपाली काँग्रेसको १४ औं महाधिवेशन सर्ने भएको छ ।
महाधिवेशन सार्ने पक्षमा काँग्रेस सभापति शेरबहादुर देउवा आफै देखिएका छन् । उनले त्यसका लागि प्रधानमन्त्री केपी शर्मा ओलीको साथ खोजेका छन् ।
काँग्रेस महाधिवेशन अबको केही महिनामा नगरे ऐन अनुसार काँग्रेस पार्टी नै खारेज हुन्छ । महाधिवेशन सार्दा पनि फरक नपर्ने गरी सरकारबाट अध्यादेश आओस् भन्ने चाहना देउवाको देखिन्छ । यसका लागि उनले प्रधानमन्त्री ओलीको साथ खोजेका हुन् ।
ओली पनि अध्यादेश ल्याएर काँग्रेस महाधिवेशन सार्न मिल्ने कानुनी व्यवस्था गरिदिनेबारे सकारात्मक भएको बुझिएको छ ।
