धरहरा पुनर्निर्माण भएको खुशीयालीमा दीपावली गरौं :प्रधानमन्त्री

काठमाडौं। प्रधानमन्त्री  ओलीले  पुनर्निर्माण भएको धरहराको उद्घाटन गर्दै  यो खुशीयालीमा दीपावली गर्न आग्रह गरेका छन् ।
पुनर्निर्मित धरहराको उद्घाटन समारोहमा बोल्दै ओलीले धरहरा पुनर्निमार्ण भएको अवसरमा काठमाडौंवासीले दीपावली गर्ने अपेक्षा राखे ।

‘आजको यो दिनमा कमसेकम आफ्नो घरमा दीपावली गरौं भनेर अनुरोध गर्छु’, उनले थपे, ‘धरहरा पुनर्निर्माण हुने रहेछ, रानीपोखरी बन्ने रहेछ, बन्यो । मेलम्चीको पानी आउने रहेछ आयो । वृहत टुँडिखेलको योजना बन्दै छ, त्यो पनि सफल हुन्छ ।’

प्रधानमन्त्री ओलीले भने –माथि धेरै बेगका साथ हावा चलेको छ। मैले चारैतिर हेरें । आइफल टावर चलेको झल्को आयो। त्यहाँ पनि हावा चल्छ।’

उनले काठामाडौंलाई नयाँ स्वरुप दिने बताए । विश्वका मानिसलाई काठमाडौं आउँ आउँ जस्तो सहर बनाउने ओलीले प्रष्ट्याए । एक पटक घुमेर हुँदैन फेरि आउनु पर्छ जस्तो काठमाडौं बनाउने उनले बताए । धरहरामा परेर ज्यान गुमाएका परिवारहरुलाई यसमा सिर्जना हुने अवसरमा सहभागी गराउने उनले बताए । परिवारको एक जनालाई प्राथमिकताका साथ रोजगारी उपलव्ध गराउने उनको भनाई छ ।