कम्युनिष्ट क्रान्तिकारीहरुलाई एकताबद्ध हुन प्रचण्डको अपील

काठमाडौं । नेपाल कम्युनिष्ट पार्टी (नेकपा) माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ले सम्पूर्ण कम्युनिष्ट क्रान्तिकारी र वामपन्थी शक्तिहरुलाई एकताबद्ध हुन अपील गरेका छन् ।

आज नेपाल कम्युनिष्ट  पार्टीको स्थापना दिवस एवम् लेनिन जयन्तीको अवसरमा सबैलाई शुभकामना दिँदै प्रचण्डले एक विज्ञप्ति जारी गर्दै  प्रगतिशील शक्तिहरुलाई एकतावद्ध हुँदै प्रतिगमनविरुद्धको अभियानमा लामवद्ध हुन अपील गरेका हुन् ।

प्रचण्डले बिज्ञप्तिमा देशको आर्थिक विकास, समृद्धि र समाजवाद उन्मुख संविधानको रक्षा, परिमार्जन तथा कार्यान्वयनका निम्ति प्रतिगमन विरोधी शक्तिहरुको ऐक्यवद्धता अहिलेको ऐतिहासिक आवश्यकता भएको उल्लेख गरेका छन्।