माधव नेपाल र रामकुमारी झाक्रीसहित एमालेका ३२ सांसदलाई स्पष्टीकरण सोधियो

काठमाडौं ।  नेपाल कम्युनिष्ट पार्टी (नेकपा) एमाले पार्टीले संघीय र प्रदेश सभाका ३२ सांसदलाई स्पष्टिकरण सोधिएकाे छ ।

 पार्टीको अनुशासन उल्लंघन गरेको भन्दै माधव नेपाल र रामकुमारीसहित उनको पक्षका ३२ जना सांसदलाई स्पष्टिकरण सोध्ने भएको हो।

माधव नेपाल समूहमा रहेका सांसदहरुले पार्टी विरोधी गतिविधि गरिरहेका, समानान्तर कमिटी गठनमा सक्रिय रहेका सांसदहरुलाई पत्र काटिएको स्राेतले बताएकाे छ । 

माधवकुमार नेपाल, भीम रावल, घनश्याम भूसाल र सुरेन्द्र पाण्डेलाई दुईदिनको र अन्य सांसदलाई तीनदिनको स्पष्टीकरणसहितको पत्र पठाइएको स्रोतको दाबी छ ।

चित बुझ्दो जवाफ नआएमा १० गतेको केन्द्रीय कमिटीको बैठकबाट पार्टीको साधारण सदस्य र सांसद पदबाट पनि निश्कासन गर्ने तयारी छ ।

एमालेले संघसहित कर्णाली प्रदेशमा पार्टीको निर्देशन उल्लंघन गर्ने पाँच जना सांसदलाई पनि उही व्योहोराको पत्र पठाएको छ ।

को–को छन् कारबाही सूचीमा ?
१. माधवकुमार नेपाल
२. भीम रावल
३. सुरेन्द्र पाण्डे
४. घनश्याम भुसाल
५. पवित्रा निरौला
६. झपट रावल
७. मेटमणि चौधरी
८. यज्ञराज सुनुवार
९. जीवनराम श्रेष्ठ
१०. झलनाथ खनाल
११. विरोध खतिवडा
१२. सोमप्रसाद पाण्डे
१३. भवानी खापुङ
१४. नारायण खतिवडा
१५. जयकुमार राई
१६. गणेश पहाडी
१७. दिपकप्रकाश भट्ट
१८. योगेश कुमार भट्टराई
१९. हिराचन्द्र केसी
२०. पुष्पाकुमारी कर्ण कायस्थ
२१. कल्याणी खड्का
२२. लक्ष्मीकुमारी चौधरी
२३. सरला कुमारी यादव
२४. कृष्णलाल. महर्जन
२५. नीरादेवी जैरु
२६. मुकुन्द नेउपाने
२७. रामकुमारी झाँक्री

२८. प्रकाश ज्वाला
२९. नन्दसिंह बुढा
३०. कुर्मराज शाही
३१. अम्बरबहादुर थापा
३२. देवी ओली