नेपाल–खनाल समूह निर्वाचन आयोगमा, ओलीले गरेका मनपरी निर्णय खारेजीको माग 

काठमाडौं । नेकपा (एमालेक)का केन्द्रीय सदस्यलाई खबर नै नगरी अध्यक्ष केपी ओलीले बालुवाटारमा गुटको भेलाबाट गरेका निर्णय खारेज गर्न माग गर्दै पार्टीका बरिष्ठ नेता माधवकुमार नेपाल र झलनाथ खनाल समूहले आज निर्वाचन आयोगमा पत्र बुझाएको छ ।

पार्टी अध्यक्ष केपी शर्मा ओलीले गएको फागुन २३ गतेपछि पार्टीको केन्द्रीय कमिटी बैठकका नाममा गरेका एकलौटीे निर्णय गर्दैआएका छन् । उनले फागुन २८ मा माओवादीबाट आएका २३ जनालाई केन्द्रीय सदस्य मनोनीत गर्नेदेखि विभिन्न नेताहरुको जिम्मेवारी खोस्ने कार्य गरेका छन् । एमालेका बरिष्ठ नेता माधवकुमार नेपाल, घनश्याम भूसाल, भीम रावल, सुरेन्द्र पाण्डे लगायतका नेताहरुलाई निलम्बन गरेका छन् । ओलीले गरेका यी एक्लौटी निर्णय खारेजीको माग गर्दै नेकपा एमालेको खनाल–नेपाल समूहले निर्वाचन आयोगमा ८ पानाको पत्र बुझाएको छ ।

अध्यक्ष ओलीले विधानविपरीत निर्णय गरेको र त्यो खारेजयोग्य भएको आयोगमा बुझाएको पत्रमा उल्लेख छ । आयोगमा पत्र बुझाउन नेताहरु बेदुराम भुसाल र राजेन्द्र पाण्डे गएका थिए ।