कर्णालीकाे फ्लोर क्रसले ओलीलाई झड्का

काठमाडौं । कर्णाली प्रदेश सभामा चार सांसदले फ्लोर क्रस गर्दा प्रधानमन्त्री केपी शर्मा ओलीलाई झड्का लागेको छ ।

प्रधानमन्त्री ओलीविरुद्ध केन्द्रमा अविश्वासको प्रस्ताव तयारी भइरहेको समयमा कर्णाली प्रदेशामा आज मुख्यमन्त्री महेन्द्रबहादुर शाहीले विश्वासको मत लिने क्रममा नेकपा एमाले माधवकुमार नेपाल पक्षका चार सांसदकाे फ्लोर क्रसले ओलीलाई धक्का लागेको हाे । 

माओवादी केन्द्रले ओली सरकारलाई दिइआएको समर्थन फिर्ता लिने संकेतहरु देखिएकाे अवस्थामा नेकपा एमालेको १२० सांसद पूरै ओली पक्षमा रहन्छन् भन्ने निश्चित देखिएको छैन । जसकाे फलस्वरूप ओली सरकार धरापमा पर्ने देखिन्छ । कर्णाली प्रदेशसभा चुनावले त्यस्तै संकेत गरेको छ । 

ओलीले जनता समाजवादी पार्टीलाई समर्थनका लागि तान्न खोजेपनि सहमति बन्न सकेको छैन ।