ओलीले देखाएको नांगो नृत्य सहेर बस्दैनौ: नेपाल

काठमाडौं। नेकपा (एमाले) का नेता माधव कुमार नेपालले ओलीले देखाएको नांगो नृत्य कसैले सहेर नबस्ने चेतावनी दिएका छन् । उनले केपी ओली को हो ? मलाई माफी दिने भन्दै नेपालले उल्टै केपी ओलीले ईतिहासबाट माफी माग्नु पर्ने  बताएका छन् ।

एक कार्यक्रममा बोल्दै  उनले भने  म एउटा मान्यतामा विश्वास गर्छु । नबिराउनु, नडराउनु । मैले पार्टीको हितबाहेक अरु अहित चिताउने कुरै आउँदैन् ।

अध्यक्ष ओलीले विधानले व्यवस्था नगरेपनि मनपरी रुपमा केन्द्रीय सदस्य नियुक्त गरेको पनि आरोप लगाउँदै  एमाले कसैको निजी पेवा नभएर एमालेको विउ रोप्ने काम आफूहरुले गरेको दाबी गरेका छन् ।

उनले आफूभन्दा १४ वर्षपछि ओली पोलिब्युरो बनेको भन्दै फूर्ती नलगाए हुन्छ भन्ने चेतावनी दिए ।