विभूषणमा संसोधित नयाँ नक्सा किन राखिएन ?

काठमाडौं । सोमबार संसदको विशेष समयमा बाेल्दै नेपाली कांग्रेसकी सचेतक पुष्पा भुसालले विभूषणमा नेपालको संसोधित नयाँ नक्सा नराखिएकोमा आपत्ति जनाएकी छन् ।

राष्ट्रपतिबाट प्रदान गरिएको विभूषणमा सरकारले गम्भीर त्रुटी गरेको भन्दै भुसालले आपत्ति जनाएकी हुन् ।

भूमि फिर्ता ल्याउन सरकार गम्भीर नभएको, पाठ्यक्रममा समावेश गर्न रोकिएको र नेपाली भूमिमा पूर्वाधार निर्माणका काम भइरहदा पनि उपयुक्त कदम नचालिएको आरोप लगाउदै उनले प्रधानमन्त्रीको जवाफ मागेकी छन् ।

२७ गते राष्ट्रपतिबाट प्रदान भएको विभूषणमा नयाँ नक्सा नरहेको भन्दै उनले यस्ताे गम्भीर भूल सरकारले किन गरेको छ भन्ने संसदले जान्न चाहेकाले प्रधानमन्त्रीले संसदमा आएर यसको जवाफ दिनु पर्ने बताएकी छन् ।