एमसीसीलाई संसदको बिजनेस बनाउन खगराजकाे माग

काठमाडौं । नेकपा एमालेका सांसद खगराज अधिकारीले अमेरिकी सहयोगसम्बन्धी प्रस्ताव मिलेनियम च्यालेन्ज कर्पोरेसन (एमसीसी) लाई संसदको बिजनेस माग गरेका छन् ।

सोमबार प्रतिनिधिसभाको शून्य समयमा बोल्दै अधिकारीले एमसीसीसम्बन्धी प्रस्ताव संघीय संसदमै रहेकाले सभामुखले बैठकमा पेश गर्नुपर्ने बताएका हुन् । 

‘एमसीसी कांग्रेस र माओवादीको संयुक्त सरकार हुँदा सम्झौता गरियो । आज त्यो थान्को लागेर सभामुख महोदय तपाईं समक्ष छ’ अधिकारीले भने, ‘…यो संसदमा तीन-चार वर्ष कति वर्षसम्म लड्काउने हो ? एमसीसी तुरुन्त बहसको विषय बनाइयोस् र संसदको विजनेस बनाइयोस्, संसदको विषय बनाइयोस् भन्ने जोडदार माग राख्न चाहन्छु ।’