२४ मुद्धामा अभियोग लागेका २०८ जना कार्यकर्ता रिहा गर्न गृह मन्त्रालयलाई जसपाको पत्र

काठमाडौँ । जनता समाजवादी पार्टीले विभिन्न २४ मुद्धामा अभियोग लागेका २०८ जना आफ्ना पार्टीका नेता/कार्यकर्ता रिहा गर्न गृह मन्त्रालयलाई पत्र लेखेको छ ।

जसपासंगको छलफलपछि सरकारले राजनीतिक मुद्दाको प्रकृति उल्लेख गरी निर्देशिका बनाएकाे छ । सोही निर्देशिकाको आधारमा २०८ जना नेता/कार्यकर्ता रिहा गर्ने प्रक्रियाअघि बढाउन गृहमन्त्रालयमा पत्र पठाइएको स्राेतले बताएकाे छ ।

नेता झाका अनुसार ती २४ मुद्धामा अभियोग लागेका २०८ जना विभिन्न १३ जिल्लाका नेता/कार्यकर्ता हुन् । यो २०८ जनामा टीकापुर घटनामा दोषी ठहर भइ कैद भुक्तान गरिरहेका रेशम चौधरीदेखि प्रदेशको समाजिक विकास राज्यमन्त्री र स्थानीय तहका प्रमुखसमेत रहेका छन् ।