प्रधानमन्त्री र मन्त्रीहरूबीच कार्यसम्पादन सम्झौता

काठमाडौँ । प्रधानमन्त्री वालेन्द्र शाह र सरकारका मन्त्रीहरूबीच चालु आर्थिक वर्षमा मन्त्रालयगत रूपमा अघि बढाइने प्राथमिकता, लक्ष्य तथा अपेक्षित उपलब्धिलाई केन्द्रमा राखेर कार्यसम्पादन सम्झौता भएको छ।

सिंहदरबारस्थित प्रधानमन्त्री तथा मन्त्रिपरिषद्को कार्यालयमा आयोजित कार्यक्रममा सम्बन्धित मन्त्रीहरूले प्रधानमन्त्री शाहसँग सम्झौतामा हस्ताक्षर गरी त्यसको प्रति आदानप्रदान गरेका हुन्। सम्झौताले सुशासन प्रवर्द्धन, सामाजिक न्याय सुनिश्चितता तथा आर्थिक–सामाजिक समृद्धिका क्षेत्रमा सरकारले लिने कार्यदिशालाई कार्यसम्पादनका सूचकसँग आबद्ध गर्ने उद्देश्य राखेको छ।

प्रधानमन्त्रीसँग सम्झौता गर्ने मन्त्रीहरूमा अर्थमन्त्री डा। स्वर्णिम वाग्ले, परराष्ट्र मन्त्री शिशिर खनाल, ऊर्जा, जलस्रोत तथा सिँचाइमन्त्री बिराज भक्त श्रेष्ठ, गृहमन्त्री सुधन गुरुङ, कानून, न्याय तथा संसदीय मामिलामन्त्री सोविता गौतम र विज्ञान, प्रविधि तथा नवप्रवर्तनमन्त्री महावीर पुन रहेका छन्।

त्यस्तै महिला, बालबालिका, लैंगीक तथा यौनिक अल्पसङ्ख्यक र सामाजिक सुरक्षा मन्त्री सिता बादी, भूमि व्यवस्था, सहकारी, संघीय मामिला तथा सामान्य प्रशासन मन्त्री प्रतिभा रावल, स्वास्थ्य तथा खाद्य स्वच्छता मन्त्री निशा मेहता, शिक्षा तथा खेलकुद मन्त्री सस्मित पोखरेल, संस्कृति, पर्यटन तथा नागरिक उड्डयन मन्त्री खडक राज पौडेल, सूचना तथा सञ्चार मन्त्री डा। विक्रम तिमिल्सिना, कृषि, वन तथा पर्यावरण मन्त्री गीता चौधरी तथा उद्योग, वाणिज्य तथा आपूर्ति मन्त्री गौरी कुमारीले पनि प्रधानमन्त्रीसँग सम्झौता गरेका छन्।

पूर्वाधार विकास मन्त्री सुनिल लम्साल स्वास्थ्य अस्वस्थताका कारण कार्यक्रममा सहभागी हुन सकेनन्। त्यस्तै युवा, श्रम तथा रोजगार मन्त्री रामजी यादव संसद्को बैठकमा सहभागी हुनुपर्ने भएकाले सम्झौता कार्यक्रममा उपस्थित भ