रविको समर्थन पाएका बिपिनकुमार आचार्य रास्वपाको महामन्त्रीमा निर्वाचित

काठमाडौं । राष्ट्रिय स्वतन्त्र पार्टीको महामन्त्री विपिनकुमार आचार्य निर्वाचित भएका छन् ।

शुक्रबार चितवनको भरतपुरमा भएको महाधिवेशनबाट आचार्य महामन्त्री निर्वाचित भएका हुन् । चितवनमा ६ दिनदेखि जारी महाधिवेशन अन्तर्गत आज पदाधिकारीको निर्वाचनमा महामन्त्री पदमा आचार्य बिजयी भएका हुन् ।

महामन्त्रीका उम्मेदवार मनिषकुमार झा, गणेश कार्की र सागर ढकाललाई पराजीत गर्दै आचार्य निर्वाचित भएका हुन् ।

यसअघि महामन्त्रीमा उम्मेदवारी दिएका गणेश पराजुली, राजु पाण्डे, कबिन्द्र बुर्लाकोटी, जगदीश खरेल, रन्जु दर्शना र प्रमोद न्यौपानेले विपिनलाई समर्थन गर्दै उम्मेदवारी फिर्ता लिएका थिए ।

रास्वपा सभापति रवि लामिछानेले पनि देखिनेगरी आचार्यलाई महामन्त्रीमा निर्वाचित गराउने भूमिका खेलेको आरोप छ ।