इरानका नयाँ सर्वोच्च नेता मुजतबालाई इजरायलको चेतावनी, खोजेर मार्छौं, हामीबाट बच्न सक्दैनौैं

एजेन्सी । इजरायलले इरानका नयाँ सर्वोच्च नेता मुजतबा खामेनीलाई खोजेर मार्ने धम्की दिएको छ । इजरायलको रक्षा बलले उक्त धम्की दिएको हो ।

मंगलबार पत्रकारहरूसँग कुरा गर्दै सैन्य प्रवक्ता एफी डेफ्रिनले यस्तो धम्की दिएका हुन । उनले मुजतबासहित इजरायलका लागि ुखतराु बन्ने जोकोहीलाई पनि निशाना बनाउने घोषणा गरे ।

सर्वोच्च नेताको पदभार ग्रहण गरेदेखि नै सार्वजनिक रूपमा नदेखिएका खामेनीको अवस्थाबारे सोधिएको प्रश्नमा डेफ्रिनले यसबारे आफूहरूलाई आधिकारिक जानकारी नभएको बताए ।

उनले भने–‘ुहामी यतिमात्र भन्न सक्छौँ कि इजरायललाई धम्की दिने जोकोहीलाई हामी पछ्याउनेछौँ । जसले इजरायलविरुद्ध हात उठाउँछ, उनीहरू हामीबाट बच्नसक्ने छैनन्, हामी उनीहरूलाई खोज्नेछौँ र निष्क्रिय पार्नेछौँ ।’

इजरायली सेनाले इरानको अर्धसैनिक बल बसिजका सदस्यहरूलाई पनि निरन्तर निसानामा राख्ने बताएको छ । ुहामी सबैको नजिक पुग्नेछौँ, चाहे त्यो जहाँसुकै र जतिबेलै किन नहोस्, प्रवक्ता डेफ्रिनले थपे ।