नेपालसहित दक्षिण एशियामा इन्धन संकट, होर्मुज जलमार्गको तेल नाकाबन्दी जारी राख्ने खामेनीको चेतावनी

एजेन्सी ।  इरानले तेल ढुवानी गर्ने मार्ग स्ट्रेट अफ होर्मुजमा लगाएको नाकाबन्दीले नेपाल, भारत, पाकिस्तान, बंगलादेशसतिका दक्षिण एशियाली देशमा इन्धन संकट बढेको छ ।

होर्मुज स्टेटको ६० प्रतिशत भाग इरानमा पर्दछ । इरानले भारतमा पठाउने इन्धन बन्द गरेको छ । जसका कारण भारतमै इन्धन संकट बढेको छ ।

यसैबीच, इरानका सर्वोच्च नेता आयातोल्लाह मोज्तबा खामेनीले होर्मुज जलमार्गको नाकाबन्दी जारी राख्ने चेतावनी दिएका छन् ।

नवनियुक्त सर्वोच्च नेता खामेनीले पदभार ग्रहण गरेपछि आफ्नो पहिलो औपचारिक सन्देश जारी गर्दै यस्तो चेतावनी दिएका हुन् ।

उनको भनाइ इरानी सरकारी टेलिभिजनमा प्रसारण गरिएको थियो। खामेनीले इरानले ‘होर्मुज स्ट्रेट बन्द गर्ने विकल्प’  प्रयोग गरिरहनुपर्ने बताए ।

उनले छिमेकी देशहरूसँग इरानको नीति ुमित्रताु को रहेको बताए र यी देशहरूलाई अमेरिकी आधारहरू बन्द गर्न सल्लाह दिए ।

इरानले यी अड्डाहरूलाई लक्षित गर्न जारी राख्ने खामेनीको भनाइ छ। यसबाहेक, उनले इरानले मारिएका आफ्ना जनताको ‘बदला लिन नहिचकिचाउने बताए ।