अधिवक्ता खरेलको ब्यंग्य : गाडीको मूल्य घटाएर स्वर्णिम वाग्लेहरू नवधनाढ्यको सेवा गर्न चाहन्छन्

काठमाडौं । राष्ट्रिय स्वतन्त्र पार्टी(रास्वपा) ले भावी अर्थमन्त्रीका रुपमा अगाडि सारेका डा. स्वर्णिम वाग्लेले गाडी आयातमा लाग्दैआएको ३ सय प्रतिशत भन्सार कर हटाउने घोषणा गरेपछि त्यसलाई लिएपछि उनको भनाइलाई लिएर बिभिन्न क्रिया–प्रतिक्रिया आइरहेका छन् ।

अधिवक्ता अमृत खरेलले त गाडीमा लाग्दैआएको भन्सार कर हटाउने डा. वाग्लेको अभिब्यक्ति सत्य हो भने उक्त पार्टीले आफ्नो बर्गको अर्थात् नवधनाढ्यहरु र अभिजात वर्गको सेवा सुरु गरिसकेको छनकका रुपमा लिनुपर्ने बताएका छन् ।

रास्वपाले अत्यावश्यक औषधी र दूधको मूल्य, अत्यावश्यक वस्तुको मूल्य घटाउन चासो राख्ने नै होइन, सार्वजनिक यातायात गुणस्तरीय सस्तो सुलभ त बनाउने नै होइन,निजी गाडीको मूल्य पो घटाउने हो त भनेर खरेलले ब्यंग्य गरेका छन् । उनले पार्टीमात्र त नयाँ हो, नवउदारवादी बजार उपभोक्तावादी नीति त पुरानै हो नि भन्दै खरेलले डा. वाग्लेलाई पनि डा. रामशरण महतकै नयाँ भेरियन्टको सज्ञा दिएका छन् ।

खरेल सामाजिक संजालमा लेख्छन्–‘स्वर्णिम वाग्लेजीले गाडीमा लाग्दै आएको भन्सार घटाउने भन्ने अभिव्यक्ति दिएको खबर सत्य हो भने यो पार्टीले आफ्नो वर्गको अर्थात् नवधनाढ्यहरू र अभिजातहरूको सेवा सुरु गरिसकेको छनक भन्नुपर्यो ।

पार्टी मात्र त नयाँ हो नवउदारवादी बजार उपभोक्तावादी नीति त पूरानै हो नि ।
राम शरण महतजीकै उहाँ नयाँ भेरियन्ट न हो ।

यसले अत्यावश्यक औषधी र दूधको मूल्य, अत्यावश्यक वस्तुको मूल्य घटाउन चासो राख्ने नै होइन, सार्वजनिक यातायात गुणस्तरीय सस्तो सुलभ त बनाउने नै होइन, निजी गाडीको मूल्य पो घटाउने हो त ।’