अबर्जन कम्पनीबाट पीडित सुदिपको पत्र, बिजनेश हो फाइदा हुन्छ भनेपछि २ लाख ५६ हजार बुझाएको हुँ

‘फेरि मौलाउँदै नेटवर्किङ कारोबार, अबर्जन कम्पनीबाट करोडौं ठगी’ शीर्षकमा २९ कात्तिक, २०८२ मा नेपालफेसमा समाचार प्रकाशित भएपछि पीडितहरुले तथ्यसहितका सामग्री पठाइरहेका छन् ।

नेपालफेस डटकमले अबैध नेटवर्किङ ब्यापारका नाममा मानिसलाई प्रलोभनमा पारी फसाउने गरेकोबारेमा बाणिज्य बिभागका प्रवक्तादेखि कास्की जिल्ला प्रशासन कार्यालयका प्रवक्तासँग सोधेर समाचार प्रकाशित गरेको हो ।

नेटवर्किङका नाममा अबर्जन ट्रेडिङ प्रा.लि.बाट  ५ लाख रुपैयाँ ठगिएको पीडित सुदिप सुनारले नै नेपालफेसमा पठाएको पत्रमा उल्लेख छ । सुनारले अबर्जनको नाममा आकर्षक लाभ हुने प्रलोभन देखाएर ओसन सुनारले आफूलाई ठगेको गुनासो गरेका छन् । सुदीपले ओसन सुनारको प्रलोभनमा पारी २ लाख ५६ हजार अबर्जनमा बुझाएका थिए । पछि ठूलो कमाइ हुन्छ अरु पनि सदस्य बनाऊ भनेपछि आफ्नै दिदी र बुबाबाट ५ लाख ६ हजार रुपैयाँ ओसनलाई बुझाएको नेपालफेसमा पठाएको पत्रमा उल्लेख छ ।

अबर्जनमा सुदीप, सुदीपकी दिदी, सुनका गहना बनाउने उनका बुबाहरुजस्ता ८ सय भन्दा बढी नेपालीलाई करोडौं फाइदा हुने भन्दै नेटवर्किङ ब्यापारमा फसाइएको बिस्तारै खुल्दैछ । सुदीप जस्तै एक एक जना अबर्जनबाट लाखौं ठगिएकाहरु बाहिर आउँदैछन् ।

सुनारले आफू नै ओसनको करोडको कमाइ हुन्छ भन्ने प्रलोभनमा परी अबर्जन जस्तो अबैध नेटवर्किङ कम्पनीमा २ लाख ५६ हजार बुझाएर पीडित भएको, आफूले कसैलाई पनि सदस्य नबनाएको, नठगेको, डर त्रास धम्की दिएको पत्रमा उल्लेख छ ।

सुदीप सुनारले नेपालफेस डटकममा पठाएको पत्रमा लेखेका छन्–‘यो अवर्जन कम्पनीमा पस्नका लागि मलाई ओसनसिंह सुनारले बोलाएर लगेका हुन् । यो बिजनेसमा पस्यौ भने ५ बर्षमा करोडको कमाई हुन्छ भनेका हुँदा र मैले १०० मा १०० प्रतिशत शंका नगरी उनले भनेको बैंकको (लक्ष्मी सनराइज बैंक लिमिटेड) खातामा २ लाख ५६ हजार रुपैयाँ जम्मा गरिदिएँ ।

केही समयपछि राम्रो कमाई हुन्छ, घरभित्रका मान्छे ल्याऊ भने । मैले मेरो बाबा र दिदीको पनि ५ लाख ६ हजार रुपैयाँ (लक्ष्मी सनराइज बैंक लिमिटेड) जम्मा गरिदिएँ । त्यो कुरा सुनेर मेरो नाताले मामा पर्ने सुमन मलाई खोज्दै आउनुभएको हो । मामालाई पनि मैले बोलाएको हैन । ती ओसनसिंह सुनार मेरा नाताले म काका र उनी छोरा हुन् भने मेरो बाबाले ओसन सुनारका हजुरबाको पालादेखि हालको मितिसम्ममा सुन चाँदीको कारीगडी काम गर्दै आउनुभएको छ । र, एक नाताले छोरा र अर्को नाता साहुको छोराले भनेको कुरा कसरी झुटो होला भनेर म अवर्जनमा पसेको हुँ । उनै ओसन सुनारले यो अवर्जन कम्पनीको अफिस छायाँ सेन्टरमा छ । सन् २०२० मा रजिष्टर्ड भएको कम्पनी हो भनेको मैले सुनेको हुँ । मैले त्यो अफिस देखेको पनि छैन र म त्यो अफिसको कुनै कर्मचारी हैन ।

बिशेष कुरा अमृत बिश्वकर्माको यसप्रकार छः यी अमृत बिश्वकर्मा भन्ने ब्यक्तिलाई मैले चिने–जानेका ब्यक्ति होइनन् र मेरा नाता पर्ने पनि होइनन् भने मैले यिनलाई सपनामा पनि नदेखेका मानिस हुन् । यी ब्यक्तिलाई मेरो नाताले मामा पर्नुहुने सुमनले ल्याएका हुन् । यिनले यो अवर्जन कम्पनीमा नगद ३७ हजार एभरेष्ट बैंक लिमिटेड हालेका र बाँकी नगद नभएको हँुदा मामाले मलाई फोन गरेर तपाईंको खातामा रकम जम्मा गरिदिनू भनेर फोन गरेको हुँदा मेरो खाता प्रयोग भएको हो र सो रकम मेरो घरखर्चको लागि नभई सो अवर्जन कम्पनीमा हालिदिनका लागि दिएको हुँदा मैले सो रकम कम्पनीको खातामा हालिदिएको छु । आबश्यक परेमा बैंकको भौचर उपलब्ध गराउनेछु ।

ती अमृतले मलाई डर, त्रास, धम्की दिएर पैसा हाल्न लगाएको भनी मिडियामा भनेका छन् । यदि मैले उनलाई डर–त्रास र धम्की दिएर पैसा हाल्न लगाएको हुन्थेंँ भने अमृत बिश्वकर्माले नै आफ्ना एक जना साथी सन्तोष अधिकारीलाई सो कम्पनीमा ल्याएर ज्वाइन गराएका छन् । मेरो खाता प्रयोग भएकोमा मलाई ठगीको आरोप लगाई जिल्ला प्रहरी कार्यालयमा जाहेरी दिएको सुनेपछि जिल्ला प्रहरी कार्यालयमा मा अमृत बिरोध नै सन्तोषले जाहेरी दिएका छन । अमृतले दिएको जाहेरी र मिडियामा दिएको बयान सरासर झुटो हो । यो मेरो खाता प्रयोगमा आएको हँुदा मबाट यिनले रकम असुल्नका लागि सबै झुटो बोलेका हुन् । मबाट हप्कीदप्की, डर–त्रास दिनेकाम केही पनि नभएको हुँदा म अन्यायमा परेको छु । मैले न्याय पाउँ ।’

सुदीप सुनारले पठाएको पत्र हेर्नुस्