संसद विघटनविरुदको मुद्दामा बहसकर्तालाई ५ मिनेट समय

काठमाडौं । संसद विघटनविरुद्धको मुद्दामा सर्वोच्च अदालतको संवैधानिक इजलासमा बहस सुरु भएको छ । सुशीला कार्की नेतृत्वको सरकार गठन र प्रतिनिधिसभा विघटन दुवै संविधानसम्मत नरहेको दाबी गर्दै दायर १६ रिटमाथि केहि बेरअघिबाट बहस सुरु भएको हो ।

सुरुमा अधिवक्ता प्रेमराज सिलवालले बहस सुरु गरेका छन् । भदौ २३ र २४ को जेनजी आन्दोलनका क्रममा केपी ओली नेतृत्वको सरकार ढलेपछि बनेको सुशीला कार्की नेतृत्वको अन्तरिम सरकारको सिफारिसमा राष्ट्रपति रामचन्द्र पौडेलले गत २७ भदौमा प्रतिनिधिसभा विघटन गरेका थिए ।

त्यसविरुद्ध सर्वोच्च अदालतमा १६ वटा रिट परेको छ । सोही रिटहरूमाथि आजबाट संवैधानिक इजलासमा सुनुवाई सुरु भएको हो । प्रतिनिधिसभा विघटनविरुद्धको रिटमा मुद्दामा बहसकर्तालाई ५र५ मिनेट समय दिइएको छ । संवैधानिक इजलासमा बहसकर्तालाई समय व्यवस्थापन गर्नका लागि समय तय गरिएको हो ।