धादिङ–धार्के कालोपत्रे सडकमा लगाइयो बार

धादिङ । ब्यक्तिको जग्गामा सडक कालोपत्रे गरिदिएपछि एक जना महिला अन्यायमा परेकी छिन् ।

राजेन्द्र महतो नेतृत्वको राष्ट्रिय मुक्ति पार्टी निकट नेवाः राष्ट्रिय परिषदले सडक बनाएर हडपेको धादिङ–धार्केको ती महिलाको जग्गा फिर्ता पाउनु पर्ने भन्दै काँडेतार लगाइदिएको छ।

‘साबिक केबलपुर धुनीबेसी नगरपालिका– ५, ९ ग कित्ता नं १२० मा नेपाल सरकार सडक विभागको लापरवाहीको कारण बिमला महर्जनको निजी जग्गामा बिनाजानकारी तथा मापदण्डविपरीत ३ रोपनी १५ आना र २ पैसा जग्गामा गैरकानुनी रुपमा पिच गरे पछि बिरोध स्वरूप काँडेतार लगाएका हौं,’ परिषदका संयोजक सुमन सायमीले भने ।

उनका अनुसार जग्गा धनी महर्जनको न्यायका लागि परिषद संयोजक सायमी सहित हलिं नेवाः गुठीका संस्थापक शान्त प्रकाश श्रेष्ठ, बिनोद महर्जन, राष्ट्रिय मुक्ति पार्टी नेपालका उपाध्यक्ष कौशल कुमार सिंह, प्रवक्ता रबिन्द्र कुमार श्रेष्ठ, बिकास बाबू श्रेष्ठ, बिकास घिमिरे, बेबि राजभण्डारी लगायतका नेताहरु धादिङ पुगेका थिए ।

मुक्ति पार्टीका नेताहरूको उपस्थितिमा अन्यायमा परेकी महर्जनको जग्गा मापदण्ड अनुसार बाटोमा दिनुपर्ने जग्गा बाहेक बाँकी जमिन फिर्ता दिलाउन सडक मै तारबार लगाइएको उनले जानकारी दिए ।