तस्करीको सामानसहित भारतीय स्कारपियो बरामद, ७ लाखको लत्ताकपडा बरामद

लहान । सिरहा जिल्लाको लहान नगरपालिका–१९ स्थित कटाहा चोकबाट भदौ १२ गते सशस्त्र प्रहरीले ७ लाख रुपैयाँभन्दा बढीको भन्सार छलिको लत्ताकपडासहित एउटा स्कारपियो गाडी नियन्त्रणमा लिएको छ ।

बीआर ०१ पीबी ४६४२ नम्बरको भारतीय स्कारपियो गाडीमा राखेर नेपालतर्फ ल्याउँदै गरेको लत्ताकपडासहित करीब १५ लाख रुपैयाँ बराबरको गाडी सशस्त्र प्रहरी बल नेपाल सुरक्षा बेस लहानले नियन्त्रणमा लिएको हो ।

सशस्त्र प्रहरीको गस्ती टोलीले गाडी रोकेर जाँच गर्न खोज्दा गाडी तिब्रगतिमा केही पर लगेर बाटोको छेउमा छाडी चालक फरार भएका थिए । बरामद लत्ताकपडा तथा गाडी आवश्यक कारवाहीका लागि भन्सार कार्यालय ठाडीमा बुझाइएको छ ।