निजामती बिधेयकमा भएको गडबडी छानबिन गर्न ७ सदस्यीय समिति गठन

काठमाडौं । संघीय निजामती विधेयकको कुलिङ अफ पिरियडमा दफाहरु थप गरेको बिषयमा छानबिन गर्न विशेष संसदीय समिति गठन गर्ने निर्णय भएको छ ।

शनिबार सभामुख निवास बालुवाटारमा सभामुख देवराज घिमिरेसहित विभिन्न दलका प्रमुख सचेतकबीच भएको छलफलले कुलिङ अफ पिरियडमा भएको छेडखानीबारे छानबिन गर्न सात सदस्यीय विशेष संसदीय समिति गठन गर्ने निर्णय भएको हो ।

सोमबार बस्ने प्रतिनिधिसभाको बैठकमा सभामुखले विशेष संसदीय समिति गठनको घोषणा गरी अनुमोदन गर्ने बताइएको छ ।

समितिमा कांग्रेस र एमालेबाट २–२ जना तथा माओवादी, रास्वपा र राप्रपाबाट १–१ जना सदस्य रहने र समितिको नेतृत्व कांग्रेसले गर्ने सहमति भएको छ ।

संसद्को नियमावलीको नियम १८० बमोजिम गठन हुने समितिलाई छानबिनका लागि १५ दिनको समय दिइने छ ।