त्रिशुली नदीमा बालिका बेपत्ता, खोजीका लागि सशस्त्र प्रहरीका गोताखोर परिचालन

काठमाडौं । जेठ १५ गते तनहुँ जिल्लाको देवघाट गाउँपालिका–५ ठिमुरास्थित त्रिशुली नदिमा पौडी खेल्ने क्रममा बेपत्ता बालिकाको खोजीकार्यको लागि सशस्त्र प्रहरीको गोताखोर परिचालन भएको छ ।
सोही ठाउँ बस्ने ११ वर्षिया सृष्टि गुरुङ त्रिशुली नदीमा पौडी खेल्ने क्रममा जेठ १५ गते साँझ ६ बजे डुवेर बेपत्ता भएको बताइएको छ ।

बेपत्ता बालिकाको खोजीकार्यका लागि सशस्त्र प्रहरी बल नेपाल नं. १७ गण चितवनबाट सशस्त्र प्रहरी सहायक निरीक्षक भोगेन्द्र महतोको कमाण्डमा गोताखोरसहितको सुरक्षा फौज शुक्रबार बिहान ११ बजेदेखि परिचालन भएको हो ।

नारायणी नदीको बीच भागमा फसेका २० जनाको उद्दार

भरतपुर महानगरपालिका–१६ शिवघाटस्थित नारायाणी नदीको बीच भागमा फसेका २२ जनाको सशस्त्र प्रहरीको गोताखोरले सकुशल उद्वार गरेको छ ।

नारायाणी नदीमा बाध बाँधी गिट्टी बालुवा निकाल्ने क्रममा बाध फुटेर नदीको बीच भागको टापुमा फसेका उनीहरुको सकुशल उद्वार गरिएको हो ।

उनीहरु नदीको बीच भागमा फसेको भन्ने जानकारी पाउनासाथ सशस्त्र प्रहरी बल नेपाल नं. १७ गण चितवनबाट सशस्त्र प्रहरी निरीक्षक चामनारायण महतोको कमाण्डमा खटिएको गोताखोरसहितको सुरक्षा फौजले उनीहरुलाई बोटको सहायताले उद्वार गरेको हो । नदीको बाध फुट्दा गिट्टी, बालुवा लैजान प्रयोग भएको एउटा टिपर भने सोही ठाउँमा डुवेको छ ।