जेठ १५ को राजावादी आन्दोलन एमालेको नियन्त्रणमा हुनुपर्छः प्रधानमन्त्री ओली

काठमाडौं । नेकपा (एमाले) का अध्यक्ष तथा प्रधानमन्त्री केपी शर्मा ओलीले जेठ १५ गतेको राजावादीको आन्दोलन एमालेको नियन्त्रणमा हुनुपर्ने बताएका छन् । वागमती प्रदेशका एमालेबाट निर्वाचित वडाअध्यक्षहरुको प्रशिक्षणमा उनले यस्तो बताएका हुन् ।

ओलीले सरकार र जनता चुप लागेकाले राजावादीहरूको फूर्तिफार्ती बढेको बताए ।

आन्दोलनमा कुनै प्रोटोकल नहुने बताउँदै उनले पार्टीका कार्यकर्ताहरुलाई तयारी रहन निर्देशन दिए । एमाले मैदानमा उत्रिएपछि राजावादी कताकता पुग्ने उनले बताए ।

राजावादी खाओवादी भएको उनको भनाइ छ– राजा प्राणभन्दा प्यारो छ भन्नेहरुले वीरेन्द्रको बंशनाश भएपछि उनीसँगै त गएनन् । साना साना स्वार्थ पूरा नभएपछि राजावादी भएको आरोप पनि उनले लगाएका छन् ।